2019年7月25日
今日雖然沙田區議會建制全體失蹤無再交代會議去向，但點都要多謝一班熱心沙田友撐場。
建制揾咗一班疑似演員喺朝早9點霸佔全部旁聽席，但下午2點半先開會，結果攪到全部人連記者都入唔到，好明顯又想用返佢哋喺北區、深水埗區議會嗰招，不斷抹黑民主派再攪垮會議。
但係沙田友連同記者們齊上齊落，全體進入，令到建制詭計無法得逞，疑似演員最後夠鐘唔OT離場，重留低咗公民力量一份三月份嘅聲明、印有民建聯logo嘅示威紙以及水樽等垃圾。
沙田友打破建制詭計之餘，重將沙田區議會變成連儂議會，開創先河。
沙田人好嘢！